Kris Aquino is excited to start taping her upcoming teleserye with Kim Chiu and Gerald Anderson
Julie Bonifacio ( ABS-CBN Interactive ) 10.23.09

All set na si Kris Aquino sa pagsisimula sa mga bagong shows niya sa ABS-CBN. Next month ay magsisimula na rin si Kris na mag-taping para sa kauna-unahang teleserye na pagsasamahan nila ng magka-loveteam na sina Kim Chiu at Gerald Anderson na pinamagatang Kung Tayo’y Magkakalayo. Plano ng ABS-CBN na simulan ang airing ng bagong teleserye on January 25 sabay sa kaarawan ng kanyang yumaong ina na si President Cory Aquino o ‘di kaya naman ay bago ang kanyang birthday on February 14.

Pero ang ikinagulat ng marami ay ang pagpayag ni Kris na gumanap bilang ina ni Kim sa bagong teleserye ng number one young love team today. “Because she’s number one,” mabilis na sagot ni Kris nang tanungin namin siya kung paano siya napapayag na tanggapin ang nasabing role. “Sa bracket ng mga young stars between 18 to 20 years old, siya talaga yung number one.” Pasok din ang bagong Teleserye Princess na si Maja Salvador sa bracket na yun pero iba daw talaga ang karisma ni Kim. “Yes, I love Maj. But si Maj is more on acting. She’s actually ‘yung mala-Lorna Tolentino and Dawn Zulueta. Tapos si Kim naman ‘yung Sharon Cuneta and Maricel Soriano type.”

Matatandaang isa din siya sa mga avid fans ng Tayong Dalawa tulad ng kanyang mga kapatid na tumulong sa kanyang magpaalam na sa asawa niyang si James Yap na magbalik-teleserye. “You know, ayaw talaga ni James na gumawa ako ng soap. Pero ang mga sister ko they like Kim and Gerald. Kaya sabi nila kay James, pumayag ka na,” sabay tawa ni Kris.

Very excited din si Kris dahil malapit na ring umere ang bagong reality talent show ng Kapamilya network na Pilipinas Got Talent. Pero imbis na maging host tulad ng nakagawian na, uupo siya bilang isa mga judge ng contest for a change. “I’m going to be one of the judges together with Freddie Garcia. Tapos ang hosts ay sina Billy (Crawford) and Luis (Manzano). But the roster of judges is not yet complete. Hindi pa napagdedesisyunan who the other male judge is.” Wala naman daw problema kung hindi siya ang napiling maghost ng show. “Okey sa akin maging judge. Mas sumikat naman si Simon Cowell ‘di ba kesa kay Ryan Seacrest. At mas mayaman si Simon,” dagdag pa niya.

Nag-shoot na rin si Kris para sa special participation niya sa Mano Po 6: My Mother ng Regal Films. Five days magshu-shoot si Kris for that movie all for the love of Mother Lily Monteverde at kay Megastar Sharon Cuneta.