Liza Endaya ( Bulgar ) 10.22.09

Aminado si Gerald Anderson na ang magagandang pangyayari sa buhay niya ngayon ang dahilan ng kanyang pagbu-bloom, not only as an actor but also as a person. Lalo kasing gumuguwapo at young looking pa ngayon ang young actor.

"Masaya lang ako dahil sa dami ng blessings na dumarating sa buhay ko, sa mga pagkakataong dumarating sa akin, sa aking career.

"Ibang klase kaya talagang nagpapasalamat ako sa mga nagtitiwala at patuloy na sumusuporta sa akin," naging pahayag ng young actor nang makausap namin recently.

Totoo rin daw na mas naging close sila ni Kim Chiu sa isa't-isa ngayon.

"Actually, wala namang pagbabago, close pa rin kami sa isa't-isa ngayon.

Lagi rin kasi kaming magkasama, kaya masaya, di ba? Mas maganda si Kim ngayon? Naman!" nakangiting pa-totoo ni Gerald.

Very excited na ang aktor sa gagawin nilang pelikula ni Kim na magiging unang handog ng Star Cinema sa 2010.

"Nagpapasalamat nga kami sa trust nila sa amin ni Kim. Actually nakaka-pressure na kami kumbaga 'yung pang-open next year, 'yung movie project namin. Kaya naman gagalingan namin ni Kim. We'll give our best for the project na ipinagkatiwala sa amin ng Star Cinema."

Hindi pa raw sure si Gerald kung magkakaroon sila ni Kim ng kissing scene at bed scenes sa kanilang movie na gagawin. Basta sigurado raw ay mature roles na ang gagampanan nila sa movie.

"Kung merong kissing at bed scenes, nagawa na nga namin 'yun sa Tayong Dalawa, 'di ba? So kung meron, okey lang naman. Mas maganda nga , e," natatawang sabi pa ng aktor.

Pero paano kung sa ibang leading man-actor na maki-pag-kissing scene si Kim?

"Siyempre, masakit na masakit. Pero alam mo 'yun, okey lang kung ako lagi ang makaka-kissing scene niya.

"Pero trabaho namin ito, eh, kaya kasama rin 'yun. One day, kung hindi man kami, may mga ibang actors din kaming makakasama at makaka-partner sa pelikula, paliwanag at pang-uunawa pa ni Gerald.

Korek! At least naman, naiintindihan na ng young actor na darating at darating ang pagkakataong 'yun. At mukhang ready naman siya.