by Veronica R. Samio ( PhilStar ) 12.16.09

Parang isang complete turnabout ang ginagawa ni Kim Chiu sa kanyang career. Bukod sa pagpapalit ng kanyang image mula sa pagiging pa-tweetums hanggang sa pagpapa-sexy, tumanggap na rin siya ng role na talagang kakaiba sa pinagkakilanlan sa kanya ng kanyang mga fans. Isa na siyang certified kontrabida sa pang-Metro Manila Film Festival (MMFF) entry ng Star Cinema. Pinahirap niya ang buhay ng mga taong nakapaligid sa kanya, lalo na ang buhay nina Angelica Panganiban at Derek Ramsay.

Kung naging revelation man si Angelica sa seryeng Iisa Pa Lamang (dito siya nagpakita ng husay sa pagiging isang kontrabida sa kauna-unahang pagkakataon), ganito rin ang sinasabing galing na ipinamalas ni Kim Chiu sa filmfest entry ng Star Cinema. Katunayan, sinasabing bibigyan niya ng mahirap na laban sa acting derby ang mga makakaharap niya.