Starstudio hinirang na A-List celebrity si Kim
( PhilStar ) 06.29.09
MANILA, Philippines - Handog ng Star Studio Magazine, the magazine that brings you closer to the stars, ang pinaka-unang party series kasama ang no less than the Primetime Princess at Top Multi-Media Endorser sa isang napaka-espesyal na VIP pass event, ang Kim Chiu Thanksgiving Party sa The Manor Superclub, Pasig City.

Maraming dapat ipagpasalamat ang in-demand at kilalang aktres na si Kim sa nagdaang mga taon, sa career niya at sa personal na buhay. Mabilis na umangat ang kanyang career at dumadami pa lalo ang kanyang fan base, dito at sa ibang bansa.

Pink at black ang disenyo ng venue at dress code ng party ni Kim. Isang wishing tree ang bumungad sa entrance ng party kung saan puwedeng magsulat ng mensahe para kay Kim. May photo booth din na kumpleto ng mga accessories na naglabas ng mga ngiti at iba’t ibang pose ng mga guest na game na game namang humarap sa kamera para sa guest book.

Sa second floor ng The Manor, nakakaindak ang party music ni DJ Mars Miranda habang enjoy sa cocktails ang mga guest. Iba’t ibang photos ni Kim ang nakapalibot sa venue na nagpapakita ng kanyang iba’t ibang mga ‘look.’ Lahat ay nakatitig nang dumating ang star of the night. Isang espesyal na audio visual presentation ang nagpakita ng buhay ni Kim, na may kasama pang mga greetings mula sa mga kaibigan at supporters ng dilag sa pangunguna ng head of ABS- CBN Publishing na si Ernie Lopez. Ang Star Studio Editor in Chief na si Biboy Arboleda ang nagsilbing host ng gabi at opisyal na naghirang kay Kim bilang bahagi na ng liga ng A-list celebrities.

Dumating sa event para magbigay suporta kay Kim ay ang kanyang long time loveteam partner, Gerald Anderson, Tayong Dalawa co-lead star Jake Cuenca, Melissa Ricks, Erich Gonzales, Beauty Gonzales, Joaqui Valdez, Fred Payawan at Ram Sagad at marami pang iba.

Marami man siyang nakamit bilang aktres, kuwento ng simpleng dalaga, “I am very thankful for everything that I have, lalo na sa suporta ng fans ko. But I hope na makakuha rin ako someday ng award kaya mas pinagbubuti ko pa yung trabaho ko ngayon.”

Para sa iba pang detalye ng upcoming events, bumili ng kopya ng July issue ng StarStudio kung saan featured ang pinaka-in demand na loveteam, Kim Chiu at Gerald Anderson bilang back-to-back celebrity cover ng magazine at iba pang exclusives na makikita lamang sa StarStudio. Available sa inyong paboritong mga bookstores at newsstands nationwide sa maliit na halaga na P85 per copy.