Kim Chiu, wagi sa Teen Awards!
( Abante Online ) 06.10.09
Si Robi Domingo ang tinanghal na Top Teen male Heartthrob sa katatapos lang na Pure ‘N Fresh Top Teen Awards, na ginanap sa A. Venue, Makati. Si Kim Chiu naman ang nagwagi bilang Top Teen “It” Girl.


Naiuwi naman ni Sam Concepcion ang titulong Top Teen Male Entertainer, at si MYX Celebrity VJ for the month of June na si Kyla ang naboto bilang Top Teen Female Entertainer.


Naiuwi naman ng hit song ng Sponge Cola na ‘Puso’ ang coveted award para sa Top Teen Music Video. Ang rock band na Chicosci naman ang nanalo bilang Top Teen Band.


Ang Top Teen Awards ang pinaka-unang award ceremony ‘for teens, by teens.’ Mga teenagers mula sa iba’t ibang panig ng bansa ang bumoto ng kanilang mga paborito sa music, movies, TV at iba pang mga kate­gorya.


Dumalo sa naturang awards night sina Jon Avila, Carlo Guevarra, Joem Bascon, John James Uy, MYX VJ Andrei Felix at Mark Abaya. Nag-perform naman ang mga bandang Chicosci, Sponge Cola, at Bamboo. Sina MYX VJs Luis Manzano, Nikki Gil at Chino Lui Pio ang nag-host ng event. Para sa iba pang updates, tutok lang sa MYX at mag-log on sa MYX.TV.