Lead stars of "Tayong Dalawa" answer new controversies
Glen P. Sibonga ( PEP ) 01.19.09
Sa live guesting ng tatlong bida ng bagong teleserye ng ABS-CBN na Tayong Dalawa na sina Kim Chiu, Gerald Anderson at Jake Cuenca sa The Buzz kahapon, January 18, maraming revelations ang naisiwalat sa publiko sa pag-i-interview na rin ng host na si Kris Aquino.

KIM & GERALD KILIG MOMENTS. Unang tanong ni Kris kay Kim, kung ano ang gift ni Gerald sa kanya last Christmas.

"Actually, kakabigay niya lang noong isang araw...cell phone," pag-amin ni Kim.

Anong klase?

"Yung 5800 na parang touch screen ng Nokia," sabi ni Kim.

Yun ba ang pantapat ng Nokia sa IPhone?

"Yes, parang IPhone po," sabi naman ni Gerald.

Anong kulay?

"Baby blue or...basta kulay blue po," wika ni Gerald.

Sabay biniro ni Kris si Gerald kung wala ba ito sa plan ng kanyang cell phone na minsan ay nagkakaroon ng free cell phone or buy one, get one promo. Natatawang sinabi ni Gerald na binili naman niya ang phone na regalo niya kay Kim.

Si Kim naman ang sunod na tinanong ni Kris kung ano naman ang gift niya kay Gerald.

"Ako, kasi nalaman ko na nabasag yung center table doon sa bahay nila. Iyon na lang ang ibinigay ko kasi hindi ko alam kung ano talaga ang ibibigay ko sa kanya."

Nag-comment si Kris na mamahalin ang gift kasi furniture. At tinanong ni Kris kung si Kim mismo ang pumili.

"Ako po," tugon ni Kim.

Na ikina-react naman ni Kris ng, "So, that means madalas ka
sa bahay nila kasi nalaman mong nabasag?"

"Hindi po, kasi nakuwento niya. Nagagalit kasi siya sa PA niya, ‘Hoy, bakit nabasag yung ganyan.' Sabi ko, ‘A talaga, nabasag?' So, naisip ko na ‘yon na lang ang ibigay ko," depensa ni Kim.

Ni-reminisce pa ni Kris ang naunang interview niya kina Kim and Gerald sa The Buzz last year, kung saan marami raw pumuri sa dalawa dahil sa pagiging honest nila. Doon kasi ay inamin ni Gerald na araw-araw siyang nagte-text ng "I love you" kay Kim, pero hindi naman tinutugunan ng dalaga. Inamin din ni Kim sa interview na ‘yon na nagseselos siya sa mga babaeng nali-link noon kay Gerald. Kaya tinanong ni Kris mula ng panahon na iyon until now, ano na ang pagbabago sa relationship nila Kim at Gerald?

"Wala naman," sabi ni Kim.

So, hindi ka na nagseselos dahil walang mga babaeng makukulit na umaaligid kay Gerald?

"Wala na, kasi puro trabaho kami ngayon, e," sagot ng kauna-unahang Pinoy Big Brother Teen winner.

Si Gerald naman ang tinanong ni Kris, willing pa rin ba siyang maghintay kay Kim kung kailan ito ready na makipagrelasyon, tulad ng sabi niya noon?

"Of course po. And I assured her na wala talaga ‘yon [issue ng panliligaw sa iba]. At walang mangyayari in the future na masama sa amin. Alam naman niya ‘yon, e. Alam mo naman ‘yon, di ba?" patungkol na sabi pa ni Gerald kay Kim.

Nasaan na kayo ngayon?

"Sabihin ko na... nasa MU stage po kami ngayon. We have a
mutual understanding sa isa't isa," pag-amin ni Gerald.

Ano ba ang ibig sabihin ng MU na iyon ngayon?

"Parang you like each other pero wala...wala kayong
commitment," ani Kim.

Pag MU ba, you can like others? Exclusive ba yun pag MU?

"On my side, it's exclusive," wika ni Gerald.

Ikaw Kim, exclusive din?

"Wala namang lumalapit sa akin, e," sabi ni Kim.

Na kinontra naman ni Gerald, "Hindi po totoo ‘yon. You know, I'm very lucky to have someone like her."