Kim Chiu and Jake Cuenca, nagkasakitan sa Tayong Dalawa
MJ Felipe ( ABS-CBN Interactive ) 05.20.09
Kapansin-pansin ang mga kalmot at pasa sa balikat ni Kim Chiu nang makita namin siya noong linggo sa kanilang mall show ni Gerald Anderson sa SM Rosales. Hindi mo talaga siya matatanggalan ng tingin dahil parang kalmot ni 'wolverine' ang drama ng mga marka sa kanyang braso. Parehong braso ni Kim ang may mga pasa at nagtaka tuloy kami kung napaano at saan niya nakuha ang mga ito. Tinanong namin mismo si Kim at sinabi nitong nakuha daw niya ang kanyang mga pasa at marks sa braso sa isang matinding eksena na kinunan nila ni Jake Cuenca sa kanilang teleseryeng Tayong Dalawa. "Nagka-pisikilan na! Nakuha ko to sa eksena namin ni Jake. Abangan niyo sa Tayong Dalawa." paliwanag ni Kim.

Naexcite kami dahil nakuwento sa amin ni Miss Mercy na Executive Producer ng naturang teleserye ang mga kaabang-abang na eksena na nakunan nila Kim, Gerald at Jake. Hindi mo talaga bibitiwan, pero siyempre hindi namin puwedeng ikuwento sa inyo dahil ayaw naman naming ma-pre-empt ang mga upcoming episodes nila!

Abangan niyo na lang ang Tayong Dalawa gabi-gabi sa Primetime Bida ng ABS-CBN pagkatapos ng Only You at bago mag Pinoy Bingo Night.