Kim Chiu to make a movie without Gerald Anderson
Bernie Franco ( ABS-CBN Interactive ) 05.12.09
Magso-solo muna si Kim Chiu sa gagawing niyang pelikula with Gabby Concepcion at Angelica Panganiban. Ang nasabing pelikula ay ang comeback movie ni Gabby after a 13-year absence from showbiz. Ito ang magiging kauna-unahang pelikula ni Kim na hindi niya kasama ang ka-love team na si Gerald Anderson.

Ayon kay Roxy Liquigan, Ad Prom director ng Star Cinema at creative manager ng ilang showbiz-oriented shows ng ABS-CBN, pinag-isipan nila kung sinu-sino ang mga maaring kandidata na gaganap na anak ni Gabby sa kanyang comeback movie. Nang mabanggit ang pangalan ni Kim ay umoo agad si Direk Laurice Guillen dahil nakatrabaho na niya ang dating Pinoy Big Brother Teen Big Winner.

Ayon pa din kay Roxy, deserve din ni Kim na makasama sa isang dramatic movie dahil napaka-flexible umano ng kapasidad ni Kim sa pag-arte. In the three years niya sa business ay naging mahusay na ang kanyang pag-arte. Puwede siyang magpa-cute at effective din siya sa pagganap ng mga seryosong roles, gaya na lamang ng maturity na ipinakikita niya sa primetime teleserye, Tayong Dalawa.

Hindi naman umano ibig sabihin na bubuwagin na ang team-up nina Kim at Gerald. Sa katunayan ay may pinaplano nang pelikula para sa kanilang dalawa, which will also be their second team-up on the big screen after I’ve Fallen For You noong 2007. Samantala uumpisahan na umano ang shooting ng pelikula niya with Gabby and Angelica as soon as possible at maipapalabas ito sa loob ng taong ito.