DETERMINADONG SUMIKAT
Ambilis ng improvement ni Gerald
Tiktaktik
ni Sandy Mariano

Ang laki ng improvement ng akting ni Gerald Anderson , pinatunayan niya iyon sa kanyang pagganap sa MMK kagabi . Imagine, iyong bagets na lalaking painglis-ingles sa Pinoy Big Brother na iisipin mong hindi makapaghahatid ng emosyon ay ayu’t pinalakpakan namin sa kanyang pagganap kagabi.

Hindi naman namin sinasabing ganoon na siya kaperpekto o ubod na nang husay. Ang sinasabi namin ay ambilis ng improvement niya. Kitang-kita naman talaga ang determinasyon at ang effort na maipakita sa lahat na gusto niya talagang magkaroon ng espasyo sa mundo ng showbiz.

Sa kanyang itsura, na andami-daming nahahalina, sa karisma at ngayo’y sa potensyal sa pagganap , alam na naming malayo ang mararating ng bagets na ito.

Also , kita rin namin ang effort ni Kim Chiu na mapabilang sa listahan ng magagaling na young actress ng bansa.

Keep up the good work, guys.