Kim Chiu, Gerald Anderson at Jed Madela, magpapasaya ng Kapamilya sa Italya!
( Showbuzzer ) 09.17.08
Hindi na talaga mapapasubalian ang kasikatan ng mga Star Magic artists. 'Tulad nina Kim Chiu, Gerald Anderson at Jed Madela.

Hindi lang sila sa Pilipinas kilala, kundi sa iba't ibang panig ng mundo, kung saan may Pilipino.

Matapos ang hit series nilang My Girl, naghahanda sina Kim at Gerald para sa bago nilang weekend series na Your Song Presents: My Only Hope. While si Jed, patuloy ang pagpapakita ng husay sa performance sa ASAP 08.

Matapos magbigay-saya sa mga kababayang Pinoy sa America, Japan, Hong Kong, this time, ang mga kababayang Pinoy sa Italy naman ang pasasayahin nina Kim, Gerald at Jed.

Sa September 28, bida sina Kim, Gerald at Jed sa "Smart Pinoy Fiesta Saya Sa Italia" na magaganap sa Pala Sharp, Milan, Italy.At sa October 5, nasa Stadio Flaminio, Rome, Italy naman sila.

Kasama nina Kim, Gerald at Jed sina Jericho Rosales, Ai Ai delas Alas, Robin Padilla at Edu Manzano.

Tiyak na isang malaking piyesta sa mga Pinoy sa Italya na makita ang mga kababayang Pinoy na magbibigay-saya!